PARA NDESHJEVE
BOROZANI/ A. Paçarizi
Bashkimi në formë, Prishtina kërkon ngritje
13 December, 2016 @10:14
Bashkimi në “Sezai Surroi” sonte kërkon që të vazhdojë formën e mirë që e ka kapur me 3 fitore radhazi në Grupin A të BIBL.
Ekipi prizrenas që ka bilanc aktual 3-4, i del përballë ekipit bullgar që ka bilanc 4-2 pas 6 ndeshjeve.
Ndeshja nis në ora 19 sonte.
Dueli tjetër zhvillohet në Kumanovë. Sigal Prishtina është mysafire atje dhe luan ndaj Kumanovës. Bardhekaltërit ia shkaktuan humbjen e parë në Grupin A Kumanovës.
Sigal Prishtina është mbrojtëse e titullit në BIBL dhe kërkon të tregojë forcën e saj sonte si mysafir, ndërsa ekipit së fundi i janë larguar disa lojtarë të huaj.
Ndeshja nis gjithashtu në ora 19 sonte.
