Nesër nis java e nxehtë për ekipet kosovare në BIBL

Duke filluar nga e hëna, ekipet kosovare në ligën ballkanike do të kenë punë të vështirë. Kjo për shkak se zhvillohen ndeshjet e xhiros së nëntë të kësaj lige dhe ndeshjet nuk janë fare të lehta për ekipet.

TABELA AKTUALE E BIBL

Duke filluar sipas orarit, shkojmë radhazi.

TREPÇA

Të hënën, më 12 dhjetor 2016, Trepça në “Minatori” pret Feni Industries të Shkupit. Trepca ka bilanc 2-4 aktualisht, ndërsa Feni është i pari në Grupin B me bilanc 4-2.

BASHKIMI

Të martën, më 13 dhjetor 2016, Bashkimi pret Beroen e Bullgarisë në “Sezai Surroi”. Derisa Bashkimi është në formë të mirë me tre fitore radhazi së fundi dhe bilanc 3-4, Beroe ka bilanc 4-2, para kësaj ndeshjeje.

SIGAL PRISHTINA

Në të njejtën ditë, Sigal Prishtina, pa dy lojtarë të larguar së fundi, Marcel Jones dhe Andrew Lawrence, i shkon në mysafirllëk Kumanovës, që është lidere e Grupit A me bilanc 5-2. Sigal Prishtina ka bilanc aktual 2-2.

PEJA

Të mërkurën, Peja udhëton në Shkup për tu ndeshur me Karpos Sokolin e përforcuar së fundi. Peja është në formë të mirë dhe me disa ndeshje mangu, duke pasë bilanc 3-1 aktualisht, ndërsa Karpos ka bilanc 2-5.