SIGAL PRISHTINA
Lawrence largohet nga Prishtina
11 December, 2016 @19:23
Basketbollisti anglez, Andrew Lawrence, nuk do të jetë më pjesë e skuadrës së Sigal Prishtinës.
26 vjeçari nëpërmjet një postimi në Instagram, ka njoftuar për largimin e tij, duke e falenderuar Sigal Prishtinën që ia dha atij mundësinë për të luajtur në FIBA Europe Cup, Ligën Ballkanike dhe Superligën e Kosovës.
Lawrence ka qenë njëra prej shtyllave kryesore të skuadrës sidomos në garat ndërkombëtare, duke luajtur me mesatare prej 15.8 pikëve dhe 5 asistime në FIBA Europe Cup, si dhe 10.3 pikëve dhe 4.3 asistime në Ligën Ballkanike.
Ditë më parë, nga Prishtina ishte larguar edhe basketbollisti amerikan, Marcel Jones.
