OKLAHOMA vs BOSTON
OKC dërgon duarthatë Celticsin në Boston
12 December, 2016 @10:00
Pas asaj që ndodhi në ndeshje, lirisht mund të thuhet se Oklahoma City Thunder ia rrëmbeu “kafshatën” nga goja Boston Celticsit.
Bostoni gjatë tërë ndeshjes ishte në epërsi, madje edhe kishte arritur diferencën mbi 10 pikë gjatë ndeshjes, por ishte harruar fakti që te Oklahoma City Thunder, ekziston një super yll si Russell Westbrook.
Westbrook ishte i pakapshëm në çerekun e fundit, derisa Bostoni e kishte rastin e fundit për ta barazuar ndeshjen por nuk arriti ta bëj këtë dhe u mposht nga Thunder me rezultat 96-99.
Ndoshta seria e triple-double përfundoi në këtë ndeshje për Westbrookun, megjithatë performanca e tij ishte mahnitëse pasi që shënoi 37 pikë, 12 kërcime e 6 asistime, në fitoren e sotme.
Në anën tjetër te Bostoni është vërejtur mungesa e Isaiah Thomasit, derisa më i dalluari ishte Al Horford me 19 pikë e 6 asistime.
Kjo ishte fitorja e 15 e Oklahomës pas 24 ndeshjeve të zhvillura.
