RAHOVECI - BASHKIMI
Bashkimi përkohësisht në pozitën e katërt
26 January, 2019 @18:41
Kampioni aktual i Superligës së Kosovës në basketboll, Bashkimi, arriti ta mposhtë Rahovecin me rezultat 80-87.
Pjesa e parë e ndeshjes përfundoi me rezultat të barabartë 42-42, derisa Bashkimi çerekun e tretë e mbylli me pesë pikë epërsi (58-63).
Në çerekun e fundit të ndeshjes, Bashkimi e mbajti rezultatin deri në fund dhe kështu e regjistroi një fitore shumë të rëndësishme.
Koshashënuesi më i mirë te kampioni ishte Mike Martin me 21 pikë, derisa u ndihmua edhe nga Jordan Capps me 20 pikë, Ujkan Karanezi dhe Steven Haney me nga 17 pikë secili.
Te Rahoveci nga 27 pikë shënuan Deshon Minnis dhe Frederick Richardson, por nuk mjaftoi për fitore.
Bashkimi me 8 fitore e 8 humbje, përkohësisht gjendet në pozitën e katërt, derisa për Rahovecin kjo ishte humbja e gjashtë e stinorit krahas 10 fitoreve që i ka.
