KONFIRMOHET
Bashkimi pjesëmarrës, 4 ekipe kosovare në BIBL
29 August, 2016 @8:51
Liga Ballkanike e basketbollit (BIBL), në stinorin 2016/17 do të jetë për herë të parë me 4 ekipe kosovare pjesëmarrëse në ‘te.
Pas Sigal Prishtinës, Pejës dhe Trepçës, Federata e Basketbollit të Kosovës (FBK) ka dërguar letër konfirmimin edhe për Bashkimin, si pjesëmarrës për stinorin e ri, që çon në katër numrin e ekipeve nga Kosova në BIBL.
“FBK ka dërguar konfirmim zyrtar për pjesëmarrje të katër ekipeve në stinorin e ri të BIBL: Sigal Prishtina, Peja, Bashkimi dhe Trepça,” ka shkruar njoftimi i BIBL botuar sot, përcjell Borozani.com.
Drejtuesit e BIBL kanë mbajtur takime me përfaqësuesit e Sigal Prishtinës, Pejës dhe Trepçës për stinorin e ri, ndërsa në ditët në vijim pritet që të bëjnë të njejtën të bëjnë edhe me Bashkimin.
