VERDHEZINJTË
BOROZANI/Erdis Driza/Arkiv
Peja, pret deri të hënën
27 August, 2016 @14:27
Kryetari i klubit nënkampion të Kosovës, Peja, Art Gashi, përmes një statusi në Facebook ka bërë të ditur se posti i liruar nga ai nëse nuk kërkohet nga askush deri të hënën, do t’i përvjel mëngët përsëri për të bërë gati KB Pejën për stinorin e ri në basketboll.
Gashi, në fillim të kësaj vere kishte lënë detyrën me shpresë që dikush ta merr dhe të menaxhojë ekipin, por askush s’kishte marrë këtë guxim.
“Nëse nuk do ketë interesim, atëherë nga e hëna do vazhdoj punën time si Kryetar i Klubit së bashku me të gjithë bashkëpuntorët e afërt duke mos u ndal dhe duke luftuar deri në fund për të arritur qëllimet tona, e të cilat janë: Titulli i Supërliges, Kupa e Kosovës dhe Titulli i Balkan Leagues,” ka shkruar ndër të tjera Gashi.
Peja në stinorin 2016/17 do të merr pjesë përveç garave vendore edhe në FIBA Europe Cup dhe BIBL. Në FIBA Europe Cup, Peja do të debutojë këtë stinor.
