MIQËSORE
Sllovenia mposht Maqedoninë para ndeshjes me Kosovën
25 August, 2016 @11:10
Rivalja e parë e Kosovës në kualifikime për Eurobasket 2017, Sllovenia, ka shkelur IRJ-Maqedoninë në miqësoren e fundit të tyre para ndeshjes ndaj Kosovës.
Sllovenia ka mposhtur IRJ-Maqedoninë me rezultat 82-67, ku në çerekun e fundit kanë dominuar plotësisht.
Basketbollisti Gëzim Morina ka fituar 3 minuta nga trajneri Igor Kokosov në këtë ndeshje, ndërsa më i dalluari ka qenë Goran Dragic me 12 pikë, 9 asistime dhe 7 kërcime.
Sa i përket pikëve të shënuara, më efikasit kanë qenë Klemen Prepelic me 18 dhe Edo Muric me 17 pikë.
Sllovenia pret Kosovën më 31 gusht, në ndeshjen e parë të Grupit E kualifikues.
