Shtriks viziton Minatorin

Drejtori Sportiv i Ligës Ballkanike, Shay Shtriks, sot ka vizituar qytetin e Mitrovicës dhe në veçanti palestrën sportive Minatori, me rastin e inkuadrimit të Trepçës në garat e Ligës Ballkanike për këtë edicion.

Shtriks, së bashku me zyrtarë të tjerë të Ligës Ballkanike, gjithashtu janë pritur edhe nga Komuna e Mitrovicës, ndërsa aty njeri i parë i Ligës Ballkanike ka thënë se është i knaqur për inkuadrimin e Trepçës në ligë, ndërsa shpreson që palestra Minatori të jetë e mbushur në çdo ndeshje.

Liga Ballkanike ka pranuar që sivjet të garojnë katër skuadra kosovare. Konfirmimin për pjesëmarrje deri më tani e kanë bërë Sigal Prishtina, Peja dhe Trepça, ndërsa deri në fund të kësaj jave pritet edhe përgjigjja përfundimtare e Bashkimit, i cili duhet t’i plotësojë kriteret financiare për t’iu bashkuar ligës.