James përkrah Durantin

Transferi i Kevin Durantit nga Oklahoma në Golden State Warriors, bëri shumë bujë në mediat amerikane.

Për këtë transferim, për herë të parë ka folur super ylli LeBron James, i cili e ka përjetuar të njëjtin fat në vitin 2010.

“Në shtëpinë time ishim duke bërë një barbekju-party, vendimin e Durantit e mësova nga televizori, sinçerisht po ju them që reagimi i parë i imi ishte WOW, një basketbolldashës mesatar si ka reaguar ashtu kam reaguar edhe unë. Mendoj se për ligën tonë, vendimi i Durantit është i mrekullueshëm, NBA është një ligë që ka shumë konkurrencë dhe është duke u rritur çdo vit. Ky mendim gjithashtu është një pjesë e rritjes.

“Të gjitha vendimet janë të ndryshme, largimi im nga Clevelandi në Miami dhe i Kevin Durantit në Golden State janë të ndryshëm, njësoj sikurse Shaq-ut nga Orlando te Lakers dhe Jordanit nga Chicago në Washington. Lojtari mendon dhe vendos. Nuk duhet të diskutojmë më shumë,” ka thënë King Jamesi.

LeBron James, në vitin 2010 kishte kaluar te Miami Heat dhe ishte kritikuar shumë, derisa u kthye përsëri në Cleveland dhe arriti ta shijojë titullin duke e mposhtur Golden State Warriorsin, prej 3-1 disavantazhit.