Gëzim Morina, ndërron skuadër

Ish-basketbollisti i Sigal Prishtinës, Gëzim Morina, ka ndërruar ambient në kampionatin slloven, mëson Borozani.com.

Sipas një njoftimi të botuar në faqen zyrtare të Federatës sllovene, Morina do të jetë anëtar i ri i ekipit të Lastovkës në Slloveni.

Ai është pjesë e reprezentacionit slloven dhe pritet të mbrojë ngjyrat e këtij vendi në kualifikime për Eurobasket 2017. Sllovenia është në një grup me Kosovën në kualifikime dhe dueli i parë do të jetë Sllovenia-Kosova, që zhvillohet më 31 gusht.

Morina stinorin e kaluar ka pasur mesatare prej 14.8 pikëve, 5.1 kërcimeve dhe 1.7 asistimeve për ndeshje. Basketbollisti 24 vjeç më parë ka qenë pjesë e Union Olimpijas, Hops Polzelas, Mariborit dhe Helios Suns.