Bashkimi shënon fitoren e parë në BIBL

Vjen fitorja e parë e Bashkimit në BIBL sivjet!

Pas 2 humbjeve me radhë, prizrenasit sonte e mposhtën skuadrën e Levskit, në një takim i cili u vendos në çerekun e tretë, çerek në të cilin Bashkimi shënoi 16 pikë më tepër se kundërshtari. Pas 40 minutave lojë, rezultati final i takimit ishte 70-63.

TABELA AKTUALE BIBL

Më i dalluari sonte te Bashkimi ishte Samir Zekiqi me 16 pikë, 3 kërcime, 3 asistime, ndërsa nga 14 pikë shtuan edhe Adrian Motley dhe Daishon Knight. Te mysafirët u dallua Stanimir Marinov me 22 pikë, 7 kërcime e 2 asistime.

Pas 3 ndeshjeve, Bashkimi ka 1 fitore e 2 humbje në BIBL sivjet, derisa Levski ka zhvilluar 4 ndeshje dhe ka 2 fitore e 2 humbje.