Bashkimi turpëron Levskin dhe bëhet lider

Skuadra e Bashkimit ka qenë e pandalshme sot ndaj Levskit në “Sezai Surroi”. Forma e mirë që ka kapur ekipi i drejtuar nga Petar Mijovic ka vazhduar edhe sonte me një lojë tejet të mirë të treguar nga të gjithë lojtarët dhe portokallezinjtë thjesht kanë bërë gjithçka për të shkelur ekipin bullgar. 

Çereku i parë fenomenal, përfundoi 30-7 për Bashkimin. Pastaj në çerekun e dytë bullgarët paksa u këndellen, por nuk ishin më të mirë. Rezultati i këtij 10 minutëshi ishte 20-13 për ekipin prizrenas. 

Sikurse çereku i dytë, edhe i treti kaloi në të njejtën mënyrë por me më shumë pikë të shënuara nga ekipet. Ndërsa çereku i fundit kaloi në të mirë të ekipit bullgar, por jo për të rrezikuar rezultatin e ndeshjes, por vetëm për ta ulur atë. 

Amerikani Marcel Jones ka shkëlqyer për Bashkimin sonte duke shënuar 28 pikë, 8 topa të vjedhur dhe 3 asistime. Tay Waller ka shënuar 25 pikë tjera, derisa edhe Tre Bussey e Granit Rugova kanë shënuar pikë dyshifrore. Bile, Rugova ishte shumë afër double-doubleit duke shënuar 11 pikë e 9 asistime. 

Te Levski kapiteni Aleks Simeonov dhe Evgeni Hadzirusev kanë qenë më të dalluarit me 31, përkatësisht 25 pikë të shënuara.

TABELA AKTUALE E BIBL

Me këtë fitore Bashkimi ka përmirësuar koshaverazhin duke e shndërruar atë në pozitiv, por edhe bilancin duke e bërë 4 fitore e 3 humbje tash. Për momentin, ata janë edhe në krye të Grupit B të BIBL. 

Në anën tjetër, Levski tash ka bilanc 2-3. 

Me këtë fitore Bashkimi edhe teorikisht ka siguruar fazën e dytë të BIBL, pa marrë parasysh çka ndodh në ndeshjet tjera. 

Statistikat ekipore

	BASHKIMI	LEVSKI
Çereku i parë	30	7
Çereku i dytë	20	13
Çereku i tretë	27	23
Çereku i katërt	17	32
Kërcime	26	42
Asistime	22	12
Bllokada	2	1
Topa të vjedhur	18	5
Topa të humbur	9	26
Tentime për tre pikë	6/18 (33%)	7/22 (31%)
Tentime për dy pikë	33/53 (62%)	16/27 (59%)
Gjuajtje të lira	10/17 (58%)	22/34 (64%)

Statistikat individuale te Bashkimi

1	Marcel Jones	28 pikë	6 kërcime	3 asistime
2	Tay Waller	25 pikë	5 kërcime	4 asistime
3	Theron Bussey	18 pikë	2 kërcime	4 asistime
4	Granit Rugova	11 pikë	1 kërcim	9 asistime
5	Endrit Hysenagolli	2 pikë	5 kërcime	-
6	Qëndrim Biraj	2 pikë	3 kërcime	1 asistim
7	Sani Ibrahim Abu	8 pikë	3 kërcime	1 asistim

Statistikat individuale te Levski

1	Aleks Simeonov	31 pikë	12 kërcime	1 asistim
2	Evgeni Hadzhirusev	25 pikë	7 kërcime	4 asistime
3	Yordan Minchev	5 pikë	8 kërcime	1 asistim
4	Slaveykov Stanislav	5 pikë	5 kërcime	2 asistime
5	Peychinov Angel	5 pikë	1 asistim	-
6	Krum Doychinov	2 pikë	2 kërcime	-
7	Vladiyan Avramov	2 pikë	1 kërcim	-
8	Ventsislav Petkov	0 pikë	2 kërcime	3 asistime