PEJA KËRKON VENDIN E PARË
BOROZANI/Erdis Driza/Arkiv
Synojmë vendin e parë
15 December, 2015 @20:37
Njëri ndër basketbollistët më të mirë vendor të Pejës, Alban Veseli, është shprehur qartë para ndeshjes së radhës së ekipit të tij, që e luan ndaj Teodos në Tivat të Malit të Zi.
Peja kërkon vendin e parë në Grupin B të Balkan League dhe pa asnjë mungesë në skuadër është nisur drejt shtetit fqinj.
“Teodo ka ekip të mirë. Ne jemi ekip më i kompletuar se Teodo dhe jemi të gatshëm për lojë. Synimi ynë është vendi i parë në Grupin B,” ka thënë ndër të tjera Veseli në një prononcim për faqen zyrtare të FBK-së sot.
Teodo ka bilanc 4-2 nga 6 ndeshjet e zhvilluara deri tani në Grupin B të BIBL, ndërsa Peja ka bilanc 4-1 nga 5 ndeshje të luajtura.
Ndeshja Teodo - Peja luhet nesër me fillim prej orës 18 në Tivat.
