Nuk do të jetë lehtë

Trajneri i Bashkimit, Petar Mijovic, mendon se ekipi i tij do ta ketë vështirë sonte ndaj Levskit në BIBL. 

Ky është dueli i shtatë i Bashkimit në garën ku po debuton këtë stinor, ndërsa deri më tani ka bilanc 3-3, ku nga dy ndeshje të zhvilluara si vendas ka 2 fitore. 

“Pres ndeshje të fortë. Ndeshja ndaj Levskit është shumë e rëndësishme për ne dhe do të mundohemi që të shënojmë fitore. Levski ka ekip të mirë dhe luajnë lojë agresive,” ka thënë Mijovic para ndeshjes së sotme shkruan Koha Ditore. 

Bashkimi ka kapur një formë të mirë në ndeshjet e fundit. Ekipi prizrenas ka shënuar fitore në tre ndeshjet e fundit në Superligë si dhe në ndeshjen e kaluar të BIBL ndaj Teodos.