ERGIN GROSHA
Bashkimi zyrtarizon edhe Groshën
26 February, 2018 @21:41
Alo-qendra 212 centimetra i gjatë, Ergin Grosha, është anëtar i ri i Bashkimit të Prizrenit, ka bërë të ditur pak më parë faqja zyrtare e klubit portokall-e-zi, pak më parë.
Vetëm një orë pasi që zyrtarizuan trajnerin e ri të ekipit, Dragan Radovic, prizrenasit kanë bërë të ditur se kanë arritur marrëveshje edhe me basketbollistin ferizajas, që së fundi ka qenë pjesë e ekipit turk, Bandirma.
Ergini 25 vjeç pritet t’i ndihmojë Bashkimit në përballjet e Kupës së Kosovës që nisin të mërkurën me çerekfinale, derisa finalja zhvillohet të dielën.
Në Superligë të Kosovës, më parë, Grosha ka mbrojtur ngjyrat e Yllit.
