Beciragic: Luajtën më mirë sonte

Adis Beciragic ka thënë se kundërshtari ka luajtur më mirë se ekipi i tij sonte dhe kjo është arsyeja e thjesht e fitores së Prizrenit’16 në këtë ndeshje.

Ai ka qenë i shkurtër në deklaratën e tij pas ndeshjes, ndërsa ka thënë:

“Ata luajtën shumë më mirë se ne dhe kjo ishte arsyeja e fitores. Mbrojtja gjithashtu nuk ka qenë e mirë sonte, në krahasim me ndeshjen e parë dhe këto punë shkojnë kështu,” ka thënë Beciragic pas ndeshjes.

Ylli përkundër humbjes, mbetet lider i Superligës me një fitore më shumë sesa ndjekësja e parë, Trepça.

Deri në fund të stinorit kanë mbetur edhe 4 ndeshje për tu zhvilluar, ndërsa Ylli në xhiron e radhës takohet me Prishtinën.