Befasia e stinorit deri tash: Lipjani mposht Bashkimin

Lipjani ka arritur fitoren e parë të sezonit që në xhiron e parë të pjesës së dytë të garave të Superligës.

Ekipi i drejtuar nga trajneri Olluri ka arritur që me lojë të mirë përgjatë gjithë ndeshjes të mbajë rezultatin në favor dhe të befasojë ish kampionin e Kosovës, Bashkimin, duke e mposhtur me rezultat 64-83.

Lipjani në pjesë të parë ka shkëlqyer, duke shfrytëzuar gjithçka për të krijuar 21 pikë epërsi gjatë pushimit të pjesëlojëve [15-26 dhe 13-23].

Në pjesë të dytë Bashkimi nuk arriti të kthehet në lojë, duke e humbur edhe çerekun e tretë 13-17, e çereku i katërt ishte i shkurtë për të arritur diçka më shumë dhe kështu prizrenasit e drejtuar nga Illmen Bajra lejuan të jenë pjesë e befasisë më të madhe të stinorit në Superligë.

TABELA AKTUALE

Te Lipjani shkëlqyen dyshja e huaj Tamas Bruce dhe Warren Winson. I pari shënoi 28 pikë, 24 kërcime, 3 asistime dhe 4 bllokada! Ndërsa i dyti dha 24 pikë, 8 asistime, 5 kërcime dhe rrëmbeu dy topa!

Këtyre i mjaftoi ndihma e yllit vendor të Lipjanit, Fazli Vitia, që me 13 pikët e tij mbajti balansin për të arritur te fitorja e parë e stinorit dhe befasia më e madhe deri tash në Superligë.

Te Bashkimi vendorët dështuan plotësisht, derisa Terik Bridgeman me 24 pikë e 12 kërcime dhe Correy Ross me 14 pikë e 3 asistime, s’mjaftuan.

Fitorja ia sjell fitoren e parë të stinorit Lipjanit dhe tash ata kanë bilans 1-16, derisa Bashkimit bilansi i bëhet 11-6.