Befasia e vitit

Njëra ndër skuadrat më trofeshme në NBA, Los Angeles Lakers, ka ardhur në një gjendje ku me arritjen e një fitoreje po konsiderohet si befasi.

Lakers, që gjendet në fund të tabelës në Konferencën Perëndimore, çuditërisht, arriti ta mposht Golden State Warriorsin me rezultat 112-95, që janë në krye të tabelës, po në të njejtën Konferencë.

Jordan Clarkson, luajti me 25 pikë, ku ishte më i miri tek Lakersat, ndërsa shkaku kryesor i humbjes së luftëtarëve, ishte performanca e Stephen Curryt, i cili luajti me 18 pikë, por ishte i saktë vetëm një herë në 10 tentimet që i bëri nga vija e treshit.

Kjo ishte humbja e gjashtë e stinorit për Golden State, të cilët i kanë 55 fitore, derisa Lakers ka bilanc prej 13 fitoreve e 51 humbjeve.