Berisha bën Prishtinën lider

Dardan Berisha ka qenë më meritori në sigurimin e fitores së Sigal Prishtinës sonte dhe rikthimin e tyre në krye të ligës ballkanike. 

Pejani Berisha ka qenë instrumental në momentet vendimtare të takimit, i cili bashkë me një seri të mirë të Muhamed Hasanit kanë arritur t’ia japin fitoren ekipit të tyre. 

Prishtina përkundër se ia nisi mirë ndeshjes ishin mysafirët malazias që përfunduan çerekun e parë në epërsi, edhe pse minimale. 

Mirëpo në pjesën e dytë një Sigal Prishtinë më e organizuar në mbrojtje nuk la Teodon që të shënojë më shumë se 11 pikë, që u dha epërsinë vendasve. Lojë e barabartë u zhvillua edhe në çerekun e tretë, me kthesa të shumta. 

E në çerekun e fundit, kur Prishtina krijoi një epërsi 9 pikëshe dhe kujtoi se gjithçka përfundoi, malaziasit nëpërmjet tresheve të tyre zvogëluan epërsinë në 1 pikë. E atëherë doli në skenë Hasani, për të ringjallur ekipin, kurse Berisha i dha goditjen e fundit. 

Me këtë fitore Sigal Prishtina është kthyer në pozitën e liderit të Balkan League me shtatë pikë sa ka edhe Kozuvi i Gjevgjelisë, derisa Teodo bëhet ekipi me numër më të madh të ndeshjeve dhe humbjeve, 5 përkatësisht, 4. 

Rezultatet dhe tabela aktuale.

Statistikat ekipore

	Sigal Prishtina	Teodo
Çereku i parë	23	24
Çereku i dytë	16	11
Çereku i tretë	17	14
Çereku i katërt	18	22
Kërcime	44	42
Asistime	11	16
Bllokada	1	1
Topa të vjedhur	12	9
Topa të humbur	20	17
Tentime për tre pikë	6/23	9/32
Tentime për dy pikë	22/46	18/39
Tentime nga gjuajtjet e lira	12/19	8/14

Statistikat individuale te Sigal Prishtina

1	Dardan Berisha	18 pikë	4 kërcime
2	Kendrick Jones	12 pikë	8 kërcime	5 asistime
3	K'Zell Wesson	12 pikë	7 kërcime	1 bllokadë
4	Aurimas Kieza	8 pikë	7 kërcime	1 asistim
5	Alban Veseli	8 pikë	6 kërcime
6	Blerim Mazreku	7 pikë	4 kërcime	3 asistime
7	Muhamed Hasani	7 pikë	1 kërcim
8	Tay Waller	2 pikë	4 kërcime	1 asistim

Statistikat individuale te Teodo

1	Nikoloa Vucurovic	18 pikë	3 kërcime	2 asistime
2	Srdjan Subotic	11 pikë	3 kërcime	2 asistime
3	Igor Kunjic	10 pikë	1 kërcim
4	Manuel Arby Johnson	9 pikë	12 kërcime	3 asistime
5	Derrell Sharod Lampy	9 pikë	5 asistime	3 kërcime
6	Nikola Korac	8 pikë	2 asistime
7	Takais Armon Brown	4 pikë	5 kërcime
8	Savo Djikanovic	2 pikë	10 kërcime	1 asistim