Besa e Drita përjashtohen nga Superliga

Tashmë është zyrtare, Besa dhe Drita nuk do të jenë pjesë e Superligës së Kosovës në basketboll për stinorin 2014/15.

Bordi i FBK-së në mbledhjen e sotme ka marrë vendim që dy skuadrat e lartpërmendura të mos jenë pjesë e garave të FBK-së, pas mos plotësimit me kohë të kritereve për licencim.

Kështu, Superliga e Kosovës për stinorin e ri do të numroj vetëm gjashtë skuadra, derisa me këtë rast do të ndryshohet edhe kalendari i garave që do të fillojë më 04/05 tetor, kuse shorti do të hidhet me 14 shtator.

“Kriteret për licencim kanë qenë hapi i parë në një varg hapash që bordi ka ndërmarrë dhe do të ndërmerr me qëllim të institucionalizimit të veprimtarisë së basketbollit në Kosovës. Bordi pret që kriteret për licencim do të ndikojnë që klubet të fuqizohen si institucione dhe si të tilla të sillen në raport me FBK-në si institucionin supreme për organizimin e basketbollit në Kosovë, në pajtim me Ligjin mbi Sportin,” thuhet ndër tjerash në njoftimin e FBK-së, duke e arsyetuar përjashtimin e Besës dhe Dritës nga garat e sivjetme.