BESNIK AZEMI
Besnik Azemi: Prishtina vështirë të përballohet me vetëm 3 vendorë
17 February, 2017 @22:43
Basketbollisti i Trepçës, Besnik Azemi, fajin për humbjen e sontme ndaj Sigal Prishtinës ia ka lënë dështimit në sulm dhe rotacionit të kufizuar tek lojtarët vendorë.
“Në mbrojtje e kryem detyrën mirë, ndërsa në sulm dështuam pasi luajtëm pak individualisht dhe i realizuam disa gjuajtje të shpejta.
Prishtina ka mundësi për shumë rotacione, sidomos tek lojtarët vendorë. Ne jemi vetëm tre lojtarë vendorë, unë, Samir Zekiqi dhe Agon Selmani. Kështu që ishte shumë vështirë që gjatë gjithë kohës, dy prej nesh të jemi në fushë dhe ta përballojmë tempin e lojës, sidomos në lojëra të tilla, kur përballë kemi skuadra si Prishtina,” tha Azemi pas ndeshjes për kanalin transmetues, Supersport.
