BIBL pret FBK-në për vendimin ndaj Pejës

Në një komunikatë të lëshuar dje gjatë ditës, faqja zyrtare e BIBL ka bërë të ditur se është në pritje të konfirmimit të FBK-së, lidhur me pjesëmarrjen e Pejës në garat e këtij stinori aty.

“Liga Ballkanike është duke pritur konfirmimin nga FBK-ja lidhur me pjesëmarrjen e Pejës në gara,” shkruan në njoftim të BIBL-it, duke vazhduar.

“Skuadra ka sjellë të gjitha dokumentacionet e nevojshme për pjesëmarrje, por BIBL ka nevojë që të merr lejen e fundit nga FBK,” ka bërë të ditur BIBL.

TABELA AKTUALE E SUPERLIGËS

Pas suspendimit nga garat në stinorin e kaluar, KB Peja është rikthyer fuqishëm në Superligë dhe me pjesëmarrjen në BIBL dëshiron që të jetë konkurrent për trofe në secilën garë që merr pjesë këtë stinor 2019/20.

Pejanët e kanë nisur me fitore stinorin, duke e mposhtur Prizrenin në përballjen e parë të stinorit, ndërsa në xhiron e dytë të Superligës, pushon.

Nga Kosova, përveç Pejës, në BIBL do të merr pjesë edhe Rahoveci.