Booker e Ayton kujdesen për fitore, kampioni e nis Play Offin me humbje

Kampioni aktual i NBA-së, Los Angeles Lakers, ka pësuar me rezultat 99-90 kundër Phoenix Sunsit, në ndeshjen e parë të Play Offit.

Sunsi që nga stinori i kaluar kishte dhënë sinjale se do të jetë një skuadër e mirë, dhe këtë e dëshmoi sivjet duke e përfunduar stinorin në pozitën e dytë dhe duke e mposhtur kampionin aktual Lakers në ndeshjen e parë të Play offit.

Devin Booker i Sunsit ishte i pakapshëm nga mbrojtja e Lakersave. Ai luajti me 34 pikë, 8 asistime e 7 kërcime, derisa u ndihmua edhe nga Deandre Ayton me 21 pikë e 16 kërcime.

Te Lakers më i miri ishte super ylli, LeBron James, me 18 pikë, 10 asistime e 7 kërcime.

Ndeshja e dytë e serisë do të luhet përsëri në palestrën e Phoenix Sunsit më 26 maj nga ora 4:00.