Borea - Ylli, hapin xhiron sot

Me përballjen që nis në ora 20:00 sonte në Karagaç të Pejës, ku Borea pret Yllin, hapet xhiroja e XXI e Superligës së Kosovës, që mbyll ciklin e tretë të ndeshjeve të Superligës.

DUELET E DERITASHME TË SKUADRAVE

Në përballjet e deritashme të Superligës mes skuadrave në fjalë bilanci është 1-1, ku secili ka fituar në shtëpi të vetë.

Borea ka mposhtur Yllin në nëntor 96-93. Ndërsa në mes të dhjetorit, Ylli Borean 111-104.

TABELA AKTUALE

Skuadrat, së fundi janë takuar edhe në Kupë të Kosovës, ku fitoi Ylli 106-96, pas një ndeshjeje tejet interesante. Borea mbylli aventurën e Kupës në çerekfinale, ndërsa Ylli në gjysmëfinale.

BILANCI AKTUAL

Rezultati i ngushtë në të tre përballjet në total, jep premtim se edhe sonte do të ketë ndeshje luftarake deri në fund.

Aktualisht, Ylli është i treti në Superligë me bilanc 11-9, ndërsa Borea e parafundit në klasifikim me bilanc 5-15.