Bostoni luajti, New Yorku shikoi

Skuadra e New York Knicksit, nuk është në gjendje të mirë. Vitin e kaluar, e kishin përfunduar stinorin në vendin e dytë të tabelës, kurse tani gjenden po në të njëjtin vend, por nga fundi.

Humbjen e radhës e regjistruan kundër Boston Celticsit, nga të cilët pësuan rëndë me 41 pikë epërsi 114-73.

Jordan Crawford, shkëlqeu me 23 pikë 7 asistime e tre kërcime, ku u ndihmua edhe nga Jared Sullinger me 21 sosh. Në anën tjetër, Carmelo Anthony luajti me 19 pikë e pesë kërcime, të cilat shërbyen për statistika personale.

Bostoni, krahas mungesës së yllit Rajon Rondo, gjendet në pozitën e katërt në Konferencën Lindore, me 10 fitore e 12 humbje, kurse New York Knicks ka bilanc prej 5 fitoreve e 14 humbjeve.