Boukichou e Dardani, për fitoren e dytë

Prishtina edhe në ndeshjen e dytë në kuadër të FIBA Europe Cupit, arriti të shënojë fitore, duke e mposhtur në Rumani Steaua Bucurestin me rezultat 87-81.

Prishtina pjesën e parë e mbylli në epërsi me rezultat 43-36, kurse në minutat e fundit të ndeshjes rezultati ishte më i ngushtë. Megjithatë, në fund me pikët e Boukichous dhe të Dardan Berishës, Prishtina arriti ta mposhtë kundërshtarin, për ta regjistruar fitoren e dytë në Grupin E.

Khalid Boukichou ishte më i miri te Prishtina me 29 pikë e 7 kërcime, ndërsa u ndimua edhe nga Dardan Berisha me 23 pikë.

Te Steaua më i dalluari ishte Skylar Rodrigo Spencer me 24 pikë.

Prishtina së bashku me Bakken Bearsin gjenden në krye të Grupit E me nga 4 pikë të grumbulluara.

Ndeshja tjetër e Prishtinës do të jetë kundër Bakken Bears më 30 tetor.