JAMES JACKSON
Trepça regjistron Jacksonin
24 October, 2018 @15:46
Përmes një njoftimi në faqen zyrtare, FBK ka bërë të ditur se Trepça ka paraqitur për regjistrim basketbollistin amerikan në skuadër, James Jackson Elliot nga SHBA-të.
Kështu, ekipi mitrovicas për ndeshjen e radhës do të ketë në dispozicion tre të huaj për përballje ndaj ekipit të KB Prizreni, me të cilët do të luajë të dielën.
Jackson është 203 cm i gjatë dhe luan në pozitën e alo-qendrës, derisa pritet të debutojë të dielën në Minatori.
Së fundi, ai ka pasur mesatare prej 11 minutave për ndeshje për ekipin e Riverside me 2.2 pikë, 2.3 kërcime, 0.5 asistime e 0.2 bllokada mesatarisht.
Trepça është ende në kërkim të fitores së parë këtë edicion.
