TEUTA - BASHKIMI
Hysenagolli shkëlqen ndaj ish-skuadrës
23 October, 2018 @20:46
Skuadra e Teutës arriti ta mposht Bashkimin bindshëm me rezultat 88-64 në kuadër të Ligës Ballkanike.
Nënkampioni i Ligës Ballkanike, Bashkimi, vetëm në çerekun e parë ishte afër kundërshtarit, ndërsa më pas Teuta e kontrolloi ndeshjen deri në fund.
Endrit Hysenagolli ishte më i miri kundër ish-ekipit të tij. Ai luajti me double-double prej 22 pikë e 13 kërcime, ndërsa te Bashkimi u dallua Jordan Capps me 22 pikë e 7 kërcime.
Kjo ishte fitorja e dytë e Teutës, ndërsa humbja e dytë e Bashkimit në 2 xhiro të zhvilluara deri më tani.
Në ndeshjen e xhiros së tretë, Bashkimi e pret në Prizren Akademik Bulltexin, ndërsa Teuta udhëton në Maqedoni për tu përballur me Kozuvin.
