Trepça shton edhe Jacksonin para ndeshjes së radhës

Skuadra e Trepçës ka bërë të ditur sot se do të arrijë edhe përforcimi i tretë i huaj i ekipit për ndeshjen e radhës në Superligë.

Deri tash gjelbërezinjtë në ekip kanë pasur Dwayne Miner dhe Mark Dorris dhe tash në ekip do të kenë edhe alo-qendrën e paralajmëruar më heret, Jackson (info shtesë pas pak).

TABELA AKTUALE dhe ORARI I NDESHJEVE

Trepça ndeshet me Prizrenin në xhiron e radhës. Mitrovicasit kanë regjistruar fillim stinorin më të dobët në histori të Kosovës, duke mos shënuar asnjë fitore në 5 përballjet e para të edicionit 2018/19.

Në anën tjetër, Prizreni i udhëhequr nga playmakeri amerikan Elliott Cole, do të tentojë befasinë e radhës, derisa ekipi ka bilanc 3-2 pas 5 xhirove të para në stinorin debutues për ta në Superligë.

Ndeshja është paralajmëruar të luhet të dielën me fillim në ora 17:00 në Minatori të Mitrovicës.