CAVS - NETS
Brooklyn pëson edhe me 3 super-yjet
21 January, 2021 @10:03
Skuadra e Brooklyn Netsit, ka pësuar ndaj Cleveland Cavaliersit pas 2 vazhdimeve me rezultat 147-135.
Në këtë ndeshje për herë të parë luajtën 3 yjet e Brooklynit, Kyrie Irving, Kevin Durant e James Harden, por nuk arritën fitoren.
Collin Sexton te Cavs luajti me 42 pikë, që ishte shifra më e lartë në karrierën e tij në NBA, derisa u ndihmua edhe nga Cedi Osman me 25 pikë.
Te Brooklyn shkëlqyen Kevin Durant me 38 pikë, 12 kërcime e 8 asistime, Kyrie Irving me 37 pikë dhe James Harden me triple-double prej 21 pikëve, 12 asistimeve e 10 kërcimeve, por nuk mjaftuan për fitore.
Cavs me 7 fitore e 7 humbje gjendet në pozitën e gjashtë, kurse në pozitën e pestë Brooklyn Nets me 9 fitore e 7 humbje.