Brown e Thompson, mjaftojnë ndaj Kastriotit

Trepça arrin fitoren e gjashtë të stinorit, pa u munduar shumë ndaj Kastriotit të fundosur në tabelë. 

Ekipi i Ilir Selmanit ka krijuar një epërsi tepër të madhe në çerek të parë të ndeshjes për të vazhduar pastaj qetë lojën deri në fund, përkundër se ferizajasit me përforcimin e tyre të ri tentonin të afroheshin. 

Në fund, Trepça festoi fitoren e radhës me 25 pikë epërsi ndaj Kastriotit. Anthony Thompson përsëri është treguar lojtari më efikas i mitrovicasve me 23 pikë të shënuara në ndeshje. 

Sidoqoftë, Ken Brown ka qenë njeriu më i dalluar te ekipi i xehetarëve, duke regjistruar double-double’in e radhës me 21 pikë dhe 10 asistime në fitoren e thellë të Trepçës. 

Pas shumë kohësh, për Trepçën ka luajtur edhe Gazmend Asllani, i cili ka shënuar 6 pikë sonte në 8 minutat e paraqitura në fushë. 

Ndërsa i talentuari Samir Zekiqi, ka treguar përsëri precizitet të madh nga vija e treshit duke shënuar 3 prej 5 tentimeve, për 17 pikë përfundimtare të tij. 

Te ekipi i Visar Xhemajlit, qendra amerikani Donald Lawes ka regjistruar 23 pikë, për tu bërë më efikasi në ekipin e tij, derisa u ndihmua edhe Reuben Werber me 19 pikë. 

Për Kastriotin ka debutuar sonte përforcimi i ri Stephen Coles, që ka shënuar 9 pikë dhe 13 kërcime për ekipin ferizajas në debutimin e tij. 

Trepça vazhdon të mbajë vendin e tretë të tabelës me plotë meritë pas paraqitjeve të suksesshme, kryesisht të playmakerit amerikan, Ken Brown, derisa Kastrioti për fitoren e parë të stinorit, duhet të shikojë mundësitë tjera në xhirot e radhës. 

Rezultatet dhe tabela aktuale.

Statistikat ekipore:

	Trepça	Kastrioti
Çereku i parë	36	11
Çereku i dytë	17	21
Çereku i tretë	17	14
Çereku i katërt	28	27
Kërcime	30	27
Asistime	21	3
Bllokada	2	1
Topa të vjedhur	1	0
Topa të humbur	1	2
Tentime për tre pikë	9/17	4/12
Tentime nga loja	37/64	21/51
Tentime nga gjuajtjet e lira	15/20	27/33

Statistikat individuale te Trepça

1	Anthony Thompson	23 pikë	6 kërcime
2	Ken Brown	21 pikë	10 asistime	7 kërcime
3	Samir Zekiqi	17 pikë	4 kërcime	3 asistime
4	Valdrin Haxhiu	9 pikë	5 asistime	3 kërcime
5	Fikret Handzic	9 pikë	4 kërcime
6	Gazmend Asllani	6 pikë
7	Musab Mala	5 pikë	1 asistim
8	Marquiz Baker	4 pikë	1 kërcim	1 asistim
9	Arian Mehmeti	2 pikë	5 kërcime
10	Vigan Hajrizi	2 pikë

Statistikat individuale te Kastrioti

1	Donald Lawes	23 pikë	6 kërcime
2	Reuben Werber	19 pikë	1 kërcim	1 asistim
3	Vincent Williams	12 pikë	4 kërcime	1 asistim
4	Stephen Coles	9 pikë	13 kërcime
5	Armend Jashari	6 pikë
6	Fisnik Juniku	2 pikë	1 asistim
7	Gent Shabani	2 pikë