Ndërpritet ndeshja Levski - Partizan, tifozët futen në fushë!

Ka mjaftuar prania e një grupi të vogël të tifozëve serb në palestrën e kryeqytetit bullgar, Sofie, për të krijuar incidente në përballjen ndërmjet Levskit dhe Partizanit.

Ndeshja e zhvilluar në kuadër të xhiros së tetë të Ligës Adriatike, është ndërprerë pranë rezultatit 14-21, kur tifozët e të dyja skuadrave u futën në fushë për t’i qëruar hesapet në mes vete.

Sipas informatave jozyrtare, thuhet se dy tifozë të Partizanit janë në gjendje të rëndë.

Ndeshja e ndërprerë ka rifilluar pa praninë e tifozëve pasi është zbrazur salla në tërësi.

Për ndryshe, skuadra vendase, Levski, është fituesi i fundit i Ligës Ballkanike pasi ishte shpallur kampion në final-four’in e organizuar në Prishtinë.

Video