Cavs e fillojnë serinë me fitore

Të udhëhequr nga LeBron James, Cleveland Cavaliers shënuan fitore në ndeshjen e parë gjysmëfinale të Konferencës së Lindjes. Cavs mposhtën Hawks, në një ndeshje të cilën e dominuan në tërësi, me përjashtim të fillimit të çerekut të katërt, çerek në të cilin Atlanta për disa momente doli në epërsi, mirëpo James me shokë nuk lejuan befasi dhe e mbyllën ndeshjen me fitore.

Lebron James ndeshjen e mbylli me 25 pikë, 9 asistime, 7 kërcime, 5 vjedhje të topit dhe 1 bllokadë, derisa Kyrie Irving pati 21 pikë. Në anën tjetër, më i dalluri ishte Shroder me 27 pikë, por paraqitje të mirë zhvilluan edhe Millsap e Bazemore.

Në finale të Konferencës Lindore, fituesi i takimit Cavs vs. Hawks pret fituesin e takimit Raptors vs. Heat.

SKEMA PLAY OFF