PACERS - CAVS
Foto: nba.com
Cavs ia dhuron fitoren Indianës
13 January, 2018 @10:27
Një tjetër humbje e Clevelandit erdhi dje në ndeshjen kundër Indiana Pacersit.
Nënkampioni i NBA-së, Cleveland, ishte duke e fituar kundërshtarin me 22 pikë epërsi, por këtë epërsi nuk arriti të mbajë deri në fund dhe u mposht me rezultat 97-95.
Si çdo herë, edhe kësaj radhe më i miri te Cavsi ishte super ylli LeBron James i cili shkëlqeu me 27 pikë, 11 asistime e 8 kërcime, por nuk mjaftoi për fitore, derisa vetëm Kevin Love edhe Jeff Green, arritën të shënojnë pikë dyshifrore për skuadrën e trajnerit Tyronn Lue.
Te Indiana Darren Collison luajti me 22 pikë ndërsa Victor Oladipo me 19 pikë të tjera.
Kjo ishte humbja e tretë rresht dhe e 16-ta në total për Cleveland Cavaliersin, kurse me 26 fitore aktualisht gjenden në pozitën e tretë në Konferencën Lindore.
