Cavsi fiton pa Jamesin

Cleveland Cavaliers, e mposhti Dallasin, pa super yllin LeBron James, i cili ka pushuar gjatë tërë ndeshjes.

Cavsat, e krijuan një epërsi prej 20 pikëve, por Dallasi, deri në sekondat e fundit luftoi dhe arriti ta zvogëloj epërsinë deri në një pikë (98-97), por nuk kishte më tepër kohë për të bërë ndonjë gjë më shumë.

Në mungesë të Jamesit, në skenë doli Kyrie Irving, i cili luajti me 33 pikë, derisa u ndihmua edhe nga Kevin Love me 23 pikë e 18 kërcime, ndërsa në anën tjetër, 20 pikët e gjermanit, Dirk Nowitzki, nuk mjaftuan për fitore të Mavericksit.

Kjo ishte fitorja e 48 e Cavsit, derisa i kanë 19 humbje dhe gjenden në krye të Konferencës Lindore.