CELTICS - GRIZZLIES
Celtics mposht ‘arushat’, blindon vendin e tretë
28 December, 2016 @9:21
Pas fitores ndaj New Yorkut në ditën e Krishtlindjes, Boston Celtics ka shënuar edhe një fitore të rëndësishme ndaj ‘Arushave’ të Memphisit.
Skuadra më e trofeshme në NBA ishte më e mirë që nga çereku i parë e deri tek ai i fundit, duke e mbyllur takimin me fitore dhe duke e shënuar fitoren e gjashtë në shtatë takimet e fundit.
Si zakonisht, edhe sonte te skuadra e Bostonit shumë lojtarë shënuan pikë dyshifrore, ndërsa më të dalluarit ishin Avery Bradley me 23 pikë, 7 kërcime e 4 asistime dhe Isaiah Thomas me 21 pikë, 1 kërcim e 7 asistime.
Te skuadra humbëse, paraqitje fenomenale zhvilloi Marc Gasol me 26 pikë, 4 kërcime e 9 asistime, mirëpo jo mjaftueshëm për fitore, marrë parasysh edhe mungesën e startuesit Conley tek skuadra e tij.
TABELAT E KONFERENCAVE
Kjo fitore e ngrit Bostonin në bilanc 19-13 dhe e ‘blindon’ pozitën e tretë të Lindjes për ta, e Memphisi momentalisht ndodhet në pozitën e 7 në Perëndim me bilanc 20-14.
