Çereku i fundit, vendos fituesin

Bashkimi i është kthyer fitores këtë xhiro në Superligë, pas dy disfatave me radhë (nga Trepça dhe Peja). 

Prizrenasit kanë mposhtur Yllin e Suharekës, që i bëri ballë prizrenasve, deri në minutën e fundit të ndeshjes, kur me dy treshe radhazi të playmakerit amerikan, Spencer Dixon, Bashkimi krijoi distancën ndaj e nevojshme për fitore. 

Dramë, deri në fund

 

Ndeshja në përgjithësi ka qenë gjatë gjithë kohës e barabartë dhe tejet dramatike, pasi që asnjëri nga ekipet nuk arriti të shkëputej për të krijuar avantazh më të madh në pikë. 

Në fillim të çerekut të katërt rezultati ishte i barabartë dhe Bashkimi u tregua në disa raste më syçelë, por edhe banka më e gjërë e prizrenasve ishte vendimtare. 

Hysenagolli dhe Juniku, bënë dallimin

 

Endrit Hysenagolli ka qenë më i dalluari te Bashkimi sonte, me double-double prej 11 pikëve dhe 15 kërcimeve, derisa Kreshnik Junikut i mungoi një kërcim për të arritur double-double, ku regjistroi më së shumti pikë për ekipin e tij 18, krahas 9 kërcimeve.

Dyshja ekzistuese amerikane e Bashkimit, Spencer Dixon dhe Tom Tankelewicz, kontribuan me disa treshe në momente kyqe, derisa debutuan edhe dy përforcimet e reja, King Tawaski dhe Noel Johnson, ku ky i pari shënoi 9, derisa tjetri asnjë pikë. 

White fantastik, por banka e shkurtër

 

Ylli amerikan i Yllit, Najee White, ka qenë basketbollisti më i mirë ndeshjes sonte. White ka shënuar double-double me 25 pikë e 15 kërcime, derisa pikë dyshifrore për ekipin suharekas shënuan edhe Urim Zenelaj e Derrick Washington, nga 11. 

Charles Hammork u dallua me organizim të mirë të lojës dhe depërtime impresive, derisa ekipi i Agron Berishës nuk pati ndihmë nga banka, që mbeti e shkurtë karshi asaj prizrenase. 

E tëra ndoshta që i duhet Yllit për fitore në këto ndeshje të ngushta - është edhe një përforcim mesatar i huaj ose vendor, që mund të shënojë 10 pikë për ndeshje mesatarisht - e atëherë Ylli do të mund të shkaktonte ‘bela’ tërë skuadrave tjera në Superligë. 

Bashkimi, ngrit bilancin në 5-3 pas 8 xhirove, derisa Ylli mbetet te 2 fitoret dhe shumë ndeshje të humbura për pak. 

REZULTATET, TABELA AKTUALE

Statistikat ekipore:

	Bashkimi	Ylli
Çereku i parë	18	16
Çereku i dytë	19	17
Çereku i tretë	17	21
Çereku i katërt	22	11
Kërcime	41	30
Asistime	17	17
Bllokada	3	2
Topa të vjedhur	7	4
Topa të humbur	10	18
Tentime për tre pikë	7/25	1/13
Tentime nga loja	27/68	27/55
Tentime nga gjuajtjet e lira	15/20	10/19

Statistikat individuale te Bashkimi

1	Kreshnik Juniku	18 pikë	9 kërcime	1 asistim
2	Tom Tankelewicz	17 pikë	6 kërcime	3 asistime
3	Spencer Dixon	14 pikë	5 asistime	4 kërcime
4	Endrit Hysenagolli	11 pikë	15 kërcime	2 asistime
5	Tawaski King	9 pikë	3 kërcime
6	Qëndrim Biraj	6 pikë	3 kërcime	2 asistime
7	Adnan Mustafa	1 pikë

Statistikat individuale te Ylli

1	Najee White	25 pikë	15 kërcime	2 asistime
2	Urim Zenelaj	11 pikë	7 kërcime	4 asistime
3	Derrick Washington	11 pikë	8 asistime	2 kërcime
4	Charles Hammrok	8 pikë	3 asistime	2 kërcime
5	Artin Gashi	5 pikë	2 kërcime
6	Eris Nushi	5 pikë