DARDANI
BOROZANI/Erdis Driza/Arkiv
Cibona, zgjedhje e duhur
23 June, 2015 @8:27
Basketbollisti më i mirë i tre stinorëve të fundit në Superligë të Kosovës, Dardan Berisha, ka thënë për mediat polake se nuk është aspak pishman që është kthyer në Kosovë.
Së fundi ai ka nënshkruar me Cibonën e Zagrebit dhe për këtë ka shtuar se ka qenë zgjedhje e duhur, shkruan polakja Sportwefakty.
“Tre vitet e fundit kanë qenë shumë të mira për mua. Aspak nuk jam pishman që jam kthyer në Kosovë. Atje kam fituar gjithçka,” është cituar t’i ketë thënë Dali faqes polake në fjalë.
Për më tepër, ai ka treguar se po të kishte pritur edhe pak do të kishte edhe mundësi për të kaluar në ekipe tjera, por Cibona në fund, ka qenë zgjedhje e duhur.
“Kam pasur oferta tjera mirëpo Cibonën e zgjodha për shkak se ka qenë më e mira. Ndërsa Liga e Adriatikut, ABA Liga, është një ligë e fortë,” ka shtuar MVP i BIBL në stinorin e fundit.
Dardan Berisha ngre interesim të jashtëzakonshëm edhe në Poloni, pasi që ka nënshtetësinë e këtij vendi. Ai është ftuar nga ky vend për paraqitje në Eurobasket 2015.
