Cikli i fundit para Play-Offit

Tre cikle të ndeshjes mes veti përfunduan mbrëmë në BKT Superligën e basketbollit dhe në mesjavë, saktësisht të mërkurën dhe të enjten luhen ndeshjet e para të ciklit të fundit të kampionatit para Play-Offit të shumëpritur. 

Derbi në kryeqytet

Derbi i javës, luhet në kryeqendër ku RTV 21 takohen me liderin, Peja. Pas paraqitjeve të mrekullueshme të Teleboysave si në fitore ndaj Trepçës, ashtu edhe në humbje ndaj Bashkimit mbrëmë, drejtuesit e klubit presin rastin që ndoshta të befasojnë Pejën, që është e pandalshme këtë stinor.

Mirëpo, pejanët në anën tjetër kanë hyrë në një seri të paparë të basketbollit kosovar, duke shënuar 12 fitore radhazi prej 20 fitoreve në tërësi gjatë këtij stinori. Ndërsa rikthimi në skenë i Ersid Ljucës dhe forma e mirë e Samir Shaptahovicit bashkë me Gerti Shimën, vendosin Pejën në cilësinë e favoritit të padiskutueshëm.

Interesant në Gjilan

Ndeshje interesante pritet të zhvillohet edhe në Gjilan, ku Drita pret Trepçën. Treshja amerikane e Dritës, përveç ndihmës së Driton Sylejmanit, tash e kanë fituar edhe një basketbollist cilësor, të rikthyerin nën kosha, Fisnik Mehmetin, që në një kohë ka qenë talent i madh i basketbollit.;

Natyrisht që mungesa e të riut cilësor, Arian Mehmeti, do t’i mungojë shumë gjilanasve në këtë ndeshje, pasi që ky i fundit ka udhëtuar me përfaqësuesen U-18 për në Vienë të Austrisë.

E Trepça në anën tjetër, nuk e sheh problem Dritën pas rikthimit në formë të Drilon Hajrizit. Lojtari më i mirë i vitit në Kosovë, ka kthyer formën e tij të vjetër dhe tani Trepça nuk po ka shumë probleme, pasi që mposhti edhe Sigal Prishtinën edhe Bashkimin.

Bashkimi e Prishtina, lehtë

Sigkos Bashkimi pritet të ketë punë të lehtë si mysafir në Sezai Surroi!, ku ndeshet me Vëllaznimin, derisa ish kampioni, Sigal Prishtina, do të dalë për herë të parë me trajnerin e ri Ahmet Kandemir, ndaj skuadrës së dorëzuar në luftën për mbijetesë, Kosovës së Vushtrrisë.

Gjakovarët e Vëllaznimit janë duke e renovuar palestrën e tyre dhe ndeshjet si vendas i luanin në Pejë, mirëpo këtë javë kanë zgjedhur që të luajnë në Prizren.

BKT SUPERLIGA, XHIROJA XXII - E mërkurë

BKT SUPERLIGA, XHIROJA XXII - E enjte