Prishtina kalon Dritën

Pas prezentimit pasdite të trajnerit të ri, Ahmet Kandemir, skuadra e Sigal Prishtinës ka udhëtuar për në Gjilan për t’u ndeshur me Dritën, për të dytën herë brenda katër ditëve (zhvilluan ndeshjen çerekfinale të Kupës në Prishtinë, ditë më parë). 

Fitorja e Sigal Prishtinës nuk është vënë në dyshim, por për shkak se trajneri i ri, Kandemir, do t’ia nis nesër stërvitjet, ka qenë interesant të shihet kush do ta udhëheq klubin më të trofeshëm kosovar. 

Sonte këtë e ka bërë trajneri me përvojë, Ibrahim Karabeg, i cili ka qenë i asistuar nga Albert Sylejmani, ndërsa Sigal Prishtina ka arritur të shënojë fitore 75-97. 

Drita ka qenë në epërsi vetëm deri në fund të pesëminutëshit të parë të ndeshjes kur udhëhiqnin me rezultat 9-6, ndërsa prej atëherë e tutje kryeqytetasit marrin në kontrollë ndeshjen. 

Më të dalluarit te ish kampioni kanë qenë: Fahri Breca, që ka shënuar 20 pikë, Edmond Azemi me 17 pikë e 9 kërcime si dhe Granit Rugova me 14 pikë e Julian Terrell që ka regjistruar double-double prej 11 pikëve dhe 12 kërcimeve. 

Në anën tjetër te gjilanasit, Craig Blackmon ka shënuar 21 pikë, pas tij u dallua i rikthyeri në Gjilan, Fisnik Mehmeti, që regjistroi 14 pikë e Brandon Shingles me 13 të tjera. 

BKT SUPERLIGA/ XHIRO XXI

Drita - Sigal Prishtina

75-97 Rezultati përfundimtar

(17-27; 33-48; 48-81 dhe 75-97) Rrjedha sipas çerekëve

STATISTIKAT E DRITËS - TOP 5

1	Craig Blackmon	21 pikë	4 kërcime
2	Fisnik Mehmeti	14 pikë	8 kërcime	1 asistim
3	Brandon Shingles	13 pikë	6 kërcime	3 asistime
4	Driton Sylejmani	8 pikë	2 kërcime
5	Obinna Agomo	8 pikë	3 kërcime

STATISTIKAT E SIGAL PRISHTINËS - TOP 5

1	Fahri Breca	20 pikë	5 kërcime	2 asistime
2	Edmond Azemi	17 pikë	9 kërcime	2 asistime
3	Granit Rugova	14 pikë	1 kërcim	3 asistime
4	Julian Terrel	11 pikë	12 kërcime	4 asistime
5	Akida McLain	8 pikë	4 kërcime	3 asistime