PREJ MË TË MIRËVE NË KOSOVË
Courntey Fells në kategorinë e dytë kroate
31 August, 2022 @16:38
Njëri ndër basketbollistët më të dalluar të sezonit të kaluar në Superligën e Kosovës, amerikani Courtney Fells, është bërë anëtar i ekipit të Rijekës në basketboll, që garon në kategorinë e dytë të basketbollit kroat.
I huaji i dytë i ekipit
Fells 35-vjeçar ka arritur marrëveshje një-sezonale me ekipin e Kvarnerit nga Rijeka, ndërsa ai aty bëhet i huaji i dytë, pasi që ekipi në fjalë më parë ka regjistruar edhe boshnjakun Marko Damjanovic për këtë sezon.
Trajneri i njohur i ekipit
Përndryshe, Kvarner drejtohet nga ish-trajneri i Bashkimit, Vëllaznimit e Pejës në Kosovë, Branimir Pavic, ndërsa stinori i ri i Prva Liga (kategori e dytë e basketbollit kroat) ende nuk ka filluar.
Kujtojmë, Fells kishte ardhur së pari te ekipi i KB Prizrenit ku shkëlqeu, ndërsa më pas u bë anëtar i KB Pejës në pjesën e dytë të stinorit.
