CSKA radhit fitoret, mposht Barçën e Doellmanit

Kampionja aktuale e Europës, CSKA Moska, po tregon fuqinë e saj vazhdimisht në ligën më të fortë europiane të basketbollit.

Sonte, ekipi moskovit ka shënuar fitore të lehtë edhe ndaj Barcelonës, ku për 16 minuta u paraqit reprezentuesi i Kosovës, Justin Doellman.

CSKA mposhti Barcelonën 92-76, ndërsa Corry Higgins luajti me 23 pikë për ekipin rus.

TABELA AKTUALE E EUROLEAGUE

Te Barcelona më efikasi ka qenë Victor Claver me 17 pikë të shënuara, ndërsa Doellman shënoi 5 pikë në minutat që ishte në parket.

Pas kësaj fitoreje CSKA ka bilanc 11-1 ndërsa Barcelona tashmë renditet në pjesën e poshtme të klasifikimit të Euroligës me bilanc 5-7.