Prishtina për herë të parë lider

Me fitoren ndaj Yllit sonte në ndeshjen e mbetur të xhiros së pestë të Superligës, Sigal Prishtina ka arritur për herë të parë të dalë në krye të klasifikimit të Superligës.

Bardhekaltërit edhe pse nuk ia nisën mirë ndeshjes, kur përfunduan çerekun e parë 20-28, më pas janë këndellur për të marrë epërsinë përgjatë çerekut të dytë dhe duke e shtuar atë në çerek të tretë.

Në çerekun e katërt më nuk kishte dilema për fituesin dhe Sigal Prishtina kështu shënoi fitoren e nëntë të stinorit duke mbledhë tani 20 pikë pas 11 ndeshjeve të zhvilluara.

TABELA AKTUALE E SUPERLIGËS

Malcolm Rhett ka qenë më efikasi te Prishtina me 22 pikë të shënuara dhe 14 kërcime, ndërsa ka shtuar edhe 5 asistime.

Në anën tjetër te Ylli Ergin Grosha ka qenë më efikasi te ekipi mysafir, duke shënuar 31 pikë, por më kot.

Njashtu Urim Zenelaj ka shënuar rekord kërcime këtë stinor në Superligë, duke regjistruar 21 sosh karshi 25 pikëve.

Sigal Prishtina këtë ndeshje në cilësi të vendasit e ka zhvilluar në “13 qershori” të Suharekës, pasi ka punime në “Pallatin e Rinisë dhe të Sporteve”.

Ndërsa ndeshjen e xhiros së XII pikërisht ndaj Yllit, do ta zhvillojë të dielën në mbrëmje.

Pas kësaj ndeshjeje Sigal Prishtina ka bilanc 9-2, ndërsa Ylli 4-7.

Sigal Prishtina

YLLI