MEMPHIS vs CLEVELAND
Mungojnë yjet, mungon fitorja
15 December, 2016 @9:19
Në mungesë të yjeve (LeBron James, Kyrie Irving dhe Kevin Love), të cilët janë pushuar nga trajneri Tyronn Lue, mungoi edhe fitorja për Clevelandin.
Memphis Grizzlies, i cili u mposht një natë më herët nga Cavsi, sot në mëngjes arriti të hakmirret duke e mposhtur kundërshtarin me rezultat 93-85.
Troy Daniels ishte koshashënuesi më i mirë te “arushat” me 20 të shënuara, derisa u ndihmua edhe nga spanjolli Marc Gasol me 17 pikë.
Ndërsa në anën tjetër u dallua James Jones me 15 pikë.
Kjo ishte humbja e 6 e stinorit për Cleveland, derisa i kanë 18 fitore dhe ende gjenden në krye të tabelës në Konferencën Lindore.
