KARPOS SOKOLI - PEJA
KB Peja/ Korniza
Peja dorëzohet në çerekun e fundit
14 December, 2016 @20:36
Skuadra e Pejës ka pësuar humbjen e saj të dytë në Ligën Ballkanike.
Verdhezinjtë sonte në palestrën Boris Trajkovski në Shkup, u mposhtën nga skuadra Karpos Sokoli me rezultat 82-75.
Karposi e filloi ndeshjen furrishëm duke krijuar seri prej 10-0, por më pas Peja u këndell dhe çerekun e parë e përmbylli me -2 pikë, 21-19.
Vendasit arritën ta ruajnë epërsinë edhe gjatë çerekut të dytë, ndërsa pejanët për herë të parë në epërsi arrritën të kalojë një minutë para përfundimit të çerekut të tretë, kur Alban Veseli shënoi për rezultatin 56-58.
Peja hyri në çerekun e fundit me një pikë epërsi 59-60, por pikërisht në këtë periudhë Karposi u tregua më i vëmendshëm, duke krijuar epërsi të mjaftueshme sa për mos ta rrezikuar fitoren.
Katër basketbollistë të Karpos Sokolit luajtën me pikë dyshifrore, ndërsa më i dalluari ishte qendra Dragan Labovic me 19 pikë e 6 kërcime. Ish lojtari i Sigal Prishtinës, Bojan Trajkovski, shënoi 7 pikë dhe pati 6 kërcime e 3 asistime për Karposin.
Për Pejën paraqitje gati perfekte pati amerikani Noah Dahlman, i cili në 12 tentime nga loja ishte i saktë 11 herë, ndërsa takimin e përmbylli me 26 pikë të shënuara.
Kjo është humbja e dytë e Pejës në Ligën Ballkanike nga 5 ndeshjet e zhvilluara deri më tani, derisa Karposi e regjistroi fitoren e tretë.
KARPOS SOKOLI
| 1 | Dragan Labovic (31:51) | 19 pikë | 6 kërcime | 2 asistime |
| 2 | Zoran Vrkic (33:27) | 15 pikë | 6 kërcime | 1 asistim |
| 3 | Dominik Mavra (22:45) | 15 pikë | 3 kërcime | 3 asistime |
| 4 | Kendrick Perry (31:10) | 14 pikë | 8 kërcime | 5 asistime |
| 5 | Dragan Zekovic (22:19) | 8 pikë | 7 kërcime | 1 asistim |
| 6 | Bojan Trajkovski (21:18) | 7 pikë | 6 kërcime | 3 asistime |
| 7 | Darko Sokolov (18:31) | 2 pikë | - | - |
| 8 | Ivan Sapundjiev (6:13) | 2 pikë | - | - |
| 9 | Filip Bakoch (6:49) | 0 pikë | 1 kërcim | 1 asistim |
| 10 | Damjan Jakimovski (5:32) | 0 pikë | - | - |
PEJA
| 1 | Noah Dahlman (32:53) | 26 pikë | 5 kërcime | 1 asistim |
| 2 | Alban Veseli (37:17) | 20 pikë | 6 kërcime | 1 asistim |
| 3 | Cameron Rundles (34:32) | 9 pikë | 8 kërcime | 5 asistime |
| 4 | LaMarcus Reed (35:20) | 9 pikë | 6 kërcime | 1 asistim |
| 5 | Jamie Skeen (19:16) | 7 pikë | 4 kërcime | 1 asistim |
| 6 | Kevin Burwell (7:44) | 4 pikë | 1 kërcim | 1 asistim |
| 7 | Arti Hajdari (9:30) | 0 pikë | 1 kërcim | 1 asistim |
| 8 | Mirza Ahmetbasic (23:230 | 0 pikë | 1 kërcim | 1 asistim |
| 9 | Blendi Kadusha | - | - | - |
| 10 | Leonard Mekaj | - | - | - |
| 11 | Egzon Kuçi | - | - | - |
| 12 | Mirza Muric | - | - | - |
