Prishtina e pafuqishme për Kumanovën

Pas fitores në mesjavën e kaluar ndaj Teodos, Sigal Prishtina sonte u mposht nga skuadra e Kumanovos në Maqedoni.

Kampioni në fuqi i Ballkan Ligës gjatë tërë takimit në epërsi ishte vetëm një herë në fundin e pjesës së parë (33-35), ndërsa pjesa tjetër e ndeshjes kaloi me dominim të vendasve.

Më e ngushtë mund të thuhet se ishte pjesa e parë, e cila u mbyll me rezultat 36-35, ndërsa që nga çereku i tretë, ku Kumanovo shënoi plot 30 pikë dhe pranoi vetëm 17, ndeshja nuk pati histori, me Prishtinën që u detyrua të pajtohej me humbje.

Më të dalluarit tek skuadra e Kumanovos në këtë fitore ishin Aleksandar Kostoski me 29 pikë, 7 kërcime e 6 asistime dhe Danilo Mijatovic me 18 pikë, 9 kërcime e 1 asistim, ndërsa te Prishtina u dalluan Malcolm Rhett 21 pikë, 15 kërcime e 2 asistime dhe Jabarie Hinds me 15 pikë, 2 kërcime e 3 asistime.

TABELA AKTUALE BIBL

Duhet përmendur që Prishtina ka 3 ndeshje më pak të zhvilluara në krahasim me kundërshtarët në Ballkan Ligë për shkak të angazhimeve që i kishte në FIBA Europe Cup dhe momentalisht ka bilanc prej 2 fitoreve e 3 humbjeve pas 5 ndeshjeve, ndërsa Kumanovo pas 8 ndeshjeve ka 6 fitore e 2 humbje dhe ndodhet në krye të Grupit A.

KUMANOVO

SIGAL PRISHTINA