Dali fantastik, Prishtina maestrale në Rumani

Dardan Berisha është treguar përsëri njeriu kryesor dhe basketbollist që merr përgjegjësinë në momentet e fundit të ndeshjes për t’ia sjellë fitoren e madhe Sigal Prishtinës në Rumani. 

Sigal Prishtina me pikën e tij ka arritur që të mposht Craiovan si mysafire sonte 85-86 në një ndeshje jashtëzakonisht të ngjeshur si për kah rezultati ashtu edhe për kah lufta në të. 

Takimi i përfunduar pak më parë ka qenë i barabartë gjatë gjithë ndeshjes ku të dyja palët kalonin pak nga pak në epërsi. Sidoqoftë, një lëvizje më e madhe dy minuta para përfundimit të takimit i dha epërsinë 8 pikëshe Prishtinës, derisa në minutën e fundit kampioni i shumëfishtë i Kosovës arriti të shënojë vetëm një pikë, por pikërisht kjo pikë - ia solli fitoren që e afron jashtëzakonisht në TOP 2, për të shkuar drejtpërdrejtë në gjysmëfinale. 

Dardan Berisha i pakapshëm ka qenë edhe sonte duke u dëshmuar si koshashënuesi më i mirë i ndeshjes me 22 pikë të shënuara dhe 5 asistime tjera në fitoren e madhe të ekipit të tij. 

Atij i ndihmuan edhe Kendrick Jones me 19 pikë të shënuara, prej të cilave 3 treshe dhe Blerim Mazreku që i bëri ballë koshit të rumunëve me 18 pikë të shënuara, 9 kërcime, 1 bllokadë dhe e çoi ndeshjen deri në fund me 4 gabime personale. 

Statistikat ekipore:

	Craiova	Sigal Prishtina
Çereku i parë	21	24
Çereku i dytë	22	19
Çereku i tretë	22	19
Çereku i katërt	20	24
Kërcime	32	41
Asitime	17	14
Bllokada	2	1
Topa të vjedhur	6	5
Topa të humbur	10	11
Tentime për tre pikë	8/22	8/23
Tentime për dy pikë	25/43	26/49
Tentime nga gjuajtjet e lira	11/18	10/13

Statistikat individuale te Craiova:

1	Mirko Kovac	20 pikë	4 kërcime	3 asistime
2	Travis Bureau	15 pikë	6 kërcime	2 asistime
3	Bogdan Popescu	12 pikë	12 kërcime
4	Bogdan Popescu	12 pikë	12 kërcime
5	James Tyler	8 pikë	6 kërcime
6	LeVar Cortez Seals	7 pikë	3 asistime	2 kërcime
7	Andrei Capusan	7 pikë	1 asistim
8	Sten Sokk	6 pikë	4 asistime	2 kërcime

Statistikat individuale te Sigal Prishtina:

1	Dardan Berisha	22 pikë	6 kërcime	5 asistime
2	Kendrick Jones	19 pikë	5 kërcime	3 asistime
3	Blerim Mazreku	18 pikë	9 kërcime	2 asistime
4	Aurimas Kieza	14 pikë	14 kërcime	2 asistime
5	Tay Waller	13 pikë	6 kërcime	2 asistime