Darnell Edge (Trepça) - MVP (10)

FBK ka shpallë lojtarin më të mirë të xhiros së dhjetë të Superligës, ndërsa epitetin e më të mirët këtë xhiro e mori basketbollisti më i ri i Trepçës, Darnell Edge, që po tregon lojëra jashtëzakonisht të mira me ekipin mitrovicas, edhe pse ka arritur tash së voni në ekip.

“Java e dhjetë e Prince Caffe Superligës solli përballjen mes Trepçës dhe Pejës. Derbin e fituan mitrovicasit me 20 pikë dallim (91:71), ku më i miri ishte Darnell Edge.
Organizatori i mitrovicasve ndeshjen e mbylli me 29 pikë, shtatë kërcime e pesë asistime, duke qenë më i mirë i derbit dhe më i miri i javës. Për Edge, është hera e parë që shpallet MVP i javës.”