Vëllaznimi me formën më të mirë në Superligë, rreshton të gjashtën

Fitore në Prizren, ndërsa Vëllaznimi është ekipi me formën më të mirë aktualisht në Superligë, derisa ka mopshtur edhe Prizrenin sonte për të siguruar fitoren e gjashtë me radhë në elitën e basketbollit dhe për të vazhduar ngritjen.

Sonte, fitorja nuk ka qenë aspak e lehtë për ekipin gjakovar, por ata menaxhuan më mirë disa momente ndaj kundërshtarit për të siguruar fitoren e ngushtë 93-97. Vetëm çereku i parë ka pasur dallim 23-29 në të mirë të kuqezinjëve, ndërsa të tjerat kanë shkuar me maksimalisht 4 pikë dallim, për të shkuar ndeshja jashtëzakonisht luftarake deri në fund.

TABELA AKTUALE

Sam Sessoms me 33 pikë, 10 asistime e 6 kërcime ka qenë kryesori në fitoren e sontme të Vëllaznimit të drejtuar nga Josip Plantak, ndërsa me 16 pikë ka kontribuuar Jalen Ray, e 14 të tjera i dha Jordan Dallas.

Te Prizreni i drejtuar nga turku Tuncay Bostanci nuk kanë mjaftuar 32 pikët e Ty Cockfieldit. Ai bëri edhe 6 asistime e 3 kërcime në këtë ndeshje. Urim Zenelaj luajti me double-double prej 15 pikëve dhe 15 kërcimeve, ndërsa Musab Mala dha 15 pikë tjera në këtë duel.

Fitorja e gjashtë radhazi bën që Vëllaznimi të ketë tash bilanc 6-4, ndërsa Prizreni është me 2-7.